Gothoskar @ Madame Tussauds

शांताराम गोठोस्कर यांचे निधन

ज्येष्ठ अर्थविश्लेषक शांताराम मंगेश गोठोस्कर यांचे दीर्घ आजाराने निधन झाले . ते ७७ वर्षांचे होते . त्यांच्यापश्चात पत्नी अपर्णा , मुलगा भरत , मुलगी प्राजक्ता , सून , जावई असा परिवार आहे . दादर शिवाजी पार्कविद्युतदाहिनीत त्यांच्यावर अंत्यसंस्कार करण्यात आले . 

मेंदूला होणाऱ्या रक्तपुरवठ्यात अडथळा निर्माण झाल्याने गोठोस्कर यांना मागील महिन्यात हॉस्पिटलमध्ये दाखलकरण्यात आले होते . गेली २५ दिवस ते कोमातच होते . चर्नी रोड येथील मोतीबेन हॉस्पिटलमध्ये त्यांचे निधनझाले . सहकार क्षेत्रातील आघाडीच्या सारस्वत बँकेवर गोठोस्कर दोन वेळा निवडून आले होते . राज्य सरकारच्याराज्य वित्त महामंडळावर ते संचालक होते . सहकार , अर्थ तसेच अन्य विषयांवर त्यांनी विपुल लेखन केले होते .

Please click here to read the article on Maharashtra Times website

'सुरस आणि चमत्कारिक.. '

शां. मं. गोठोस्कर हे एक विलक्षण रसायन होते. मूळचे पत्रकार. अगदी महाराष्ट्राच्या जन्माचे साक्षीदार. पु. रा. बेहेरे आदींचा सहवास लाभल्याने मूळचीच विचक्षण असलेली नजर अधिक सजग झालेली. साहजिकच राज्याच्या सामाजिक, राजकीय आणि आर्थिक जडणघडणीचे ते डोळस साक्षीदार होते. त्यांना ज्याची अंडीपिल्ली माहीत नाहीत, असा महाराष्ट्राचा एक राजकारणी नसेल.  पत्रकारितेतून निवृत्त झाल्यावरही साखर संघ वगैरेंत ते सक्रिय कार्यमग्न होते. त्यामुळे राजकारण आणि सहकारी साखर कारखानदारीचे त्यांचे ज्ञान शब्दश: प्रचंड होते. या सगळय़ाच्या जोडीला आपल्याला जे काही माहीत आहे ते इतरांना सांगावे ही वृत्ती. त्यामुळे गोठोस्कर हे वर्तमानपत्रीय जगाचे आधारस्तंभ होते. राज्याचा संदर्भ हवा आहे आणि तो त्यांच्याकडे नाही असे क्वचितच झाले असेल. गोठोस्कर जवळपास दररोज वीस वर्तमानपत्रे वाचत आणि अर्धा डझनभर साप्ताहिके, मासिके त्यांच्या नजरेखालून जात. त्यांचे ज्यांच्याशी जवळचे संबंध होते त्यांना गोठोस्कर यांचा दररोज न चुकता एक फोन असायचा म्हणजे असायचाच. आपण जे काही वाचले त्यातले बरोबर काय, असत्य वा चूक ते काय आणि तुम्ही त्यावर काही लिहिणार असलातच तर त्यात काय असायला हवे, असा सल्ला गोठोस्करांनी दिला नाही असे घडले नाही. हे सर्व सकारात्मकच असेल असे नाही. वय आणि अनुभवाच्या आधारे आलेल्या ज्येष्ठतेचा ते प्रसंगी कान उपटण्यासाठीही वापर करीत. अहो.. हे तुम्ही काय लिहून ठेवलेत.. या वाक्याने त्यांचा फोन सुरू झाला की पुढील दोन-पाच मिनिटे आपणास श्रवणभक्ती करायची आहे याची खूणगाठ बांधली जाई. कामाच्या गडबडीत त्यांचा फोन घेता आलाच नाही तर ते एसएमएस करीत. 'अमुक नियतकालिकातील तमुक लेख.. न जमल्यास अमुक परिच्छेद.. न वाचल्यास तो दखलपात्र गुन्हा समजला जाईल, याची नोंद घ्यावी' असा दम देणारा मजकूर त्या एसएमएसमध्ये असे. गोठोस्कर यांचे वैशिष्टय़ हे की ते दुसऱ्या दिवशी पुन्हा कालचे ते वाचलेत का, असे विचारण्यास विसरत नसत. गोठोस्करांनी सांगितले आणि वाचले नाही, असे करण्यास कोणीही धजावत असेल असे वाटत नाही. वयाच्या या टप्प्यावरही गोठोस्कर प्रचंड उत्साही होते. 'लोकसत्ता'चे ते नियमित लेखक. 'लोकसत्ता'चे कार्यालय ही त्यांची क्षणभर विश्रांती होते. हक्काने येत. गोठोस्कर आले की हातातले काम बाजूला ठेवण्यास गत्यंतर नसे. आपल्या अत्यंत मिश्कील शैलीत, 'समजलं का..' असे म्हणून ते काही सांगायला सुरुवात करीत. ते ऐकणे हे कर्तव्य असायचे. हवी ती आकडेवारी त्यांना मुखोद्गत असायची. आकडय़ांची तुलना करण्याची विलक्षण हातोटी त्यांच्याकडे होती. त्यामुळे एखाद्या कंपनीस इतका फायदा झाला असे त्यांच्यासमोर म्हटले गेले की.. म्हणजे अमुक राज्याच्या ठोकळ उत्पादनाइतका.. वगैरे तपशील ते झटक्यात सांगत. त्यामुळे महाराष्ट्रावर लिहू इच्छिणाऱ्यांना एक वेगळीच दृष्टी मिळे. हे माहितीज्ञानामृत पाजून झाले की गोठोस्कर संबंधित विषयातील काही मनोरंजक- आणि बरीचशी खासगी माहिती सांगत. 'आता तुम्हाला काही सुरस आणि चमत्कारिक सांगतो..' अशी सुरुवात करून गोठोस्कर एखाद्या व्यक्तीचा आश्चर्यकारक असा तपशील देत. हे सारे रंगवून सांगण्याची हातोटी त्यांच्याकडे होती. गोठोस्कर, हे सगळे तुम्ही लिहून ठेवायला हवे.. तुम्ही म्हणजे राज्याचा चालताबोलता इतिहास आहात.. असे आमच्याकडून त्यांना वारंवार सांगितले गेले. 'लिहिणार तर..' असे त्यांचे उत्तर असे. त्यांच्या निधनाने आता ते सगळेच हवेत विरले. महाराष्ट्राचा सुरस आणि चमत्कारिक इतिहास सांगणारी अधिकारी व्यक्ती आपल्यातून कायमची गेली.

Please click here to read this article on Loksatta.com

ज्येष्ठ अर्थविश्लेषक शां. मं. गोठोस्कर यांचे निधन

ज्येष्ठ अर्थविश्लेषक व स्तंभलेखक शांताराम मंगेश गोठोस्कर यांचे सोमवारी सकाळी मुंबईत दीर्घ आजाराने निधन झाले. ते ७७ वर्षांचे होते. त्यांच्या मागे पत्नी अपर्णा, मुलगा भरत, मुलगी प्राजक्ता पांढरे, सून, जावई व दोन नाती असा परिवार आहे. दादर (पश्चिम) येथील शिवाजी पार्क विद्युतदाहिनीत सायंकाळी त्यांच्या पार्थिवावर अन्त्यसंस्कार करण्यात आले.

मेंदूला होणारा रक्तपुरवठा खंडीत झाल्यानंतर शां. मं. गोठोस्कर यांना १८ ऑक्टोबर रोजी रुग्णालयात दाखल करण्यात आले होते. २५ दिवसांपासून ते कोमातच होते. अखेर आज सकाळी ८.४५ वाजता चर्नी रोड येथील मोतीबेन दळवी रुग्णालयात त्यांची प्राणज्योत मालवली. सहकार क्षेत्रातील आघाडीच्या सारस्वत बँकेवर गोठोस्कर दोन वेळा निवडून गेले होते. महाराष्ट्र शासनाच्या राज्य वित्त महामंडळावरही (महावित्त) ते संचालक म्हणून होते.

सहकार, आर्थिक तसेच अनेक राजकीय घडामोडींवरील त्यांचे लेखन 'लोकसत्ता'सह विविध दैनिकांमध्ये प्रकाशित झाले आहेत. वयाच्या २२ व्या वर्षी त्यांनी सर्वप्रथम मुंबई - बंगळुरु दरम्यान 'ब्रॉडगेज' रेल्वेमार्गाची कल्पना मांडली होती. तिहारी धरण बांधकामाच्या वेळी दाखविलेल्या प्रत्यक्ष सहभागामुळे सुमारे १० हजार लोकांचे विस्थापन रोखले गेले.

Please click here to read this article on Loksatta.com

शां.मं.गोठोस्कर यांचे निधन

मुंबई, दि. 12 (प्रतिनिधी) - ज्येष्ठ पत्रकार आणि दैनिक `नवशक्ति’चे माजी सहसंपादक शां. मं. गोठोस्कर यांचे सोमवारी प्रदीर्घ आजाराने चर्नीरोड येथील सैफी रुग्णालयात निधन झाले. ते 77 वर्षांचे होते. त्यांच्यामागे पत्नी, पुत्र आणि कन्या असा परिवार आहे. दैनिक `नवशक्ति’त ते सुरुवातीला काही काळ वृत्तसंपादक आणि नंतर सहसंपादक होते. तत्पूर्वी एस. एम. जोशी यांच्या `लोकमित्र’ आणि पा. वा. गाडगीळ यांच्या `लोकमान्य’ या दैनिकांमध्ये काही काळ त्यांनी काम केले.  वीज प्रश्न, कोकण रेल्वेचे प्रश्न यावर  1958 पासून त्यांनी दीर्घकाळ लेखन केले. वयाच्या 22 व्या वर्षी त्यांचा पहिला लेख `लोकसत्ता’ या दैनिकात छापून आला होता. 2012 पर्यंत त्यांनी विविध वृत्तपत्रांमध्ये सक्रिय राहून चिकित्सक लेखन केले. त्यांचे बालपण सावंतवाडीतील बांदा येथे गेले. शालेय आणि महाविद्यालयीन शिक्षण रत्नागिरीत झाले. महाराष्ट्र शुगर असोसिएशनशी आणि विधिमंडळाच्या कामकाजाशी त्यांचा प्रदीर्घकाळ संबंध होता. काही वर्षे ते सारस्वत बँकेच्या संचालक मंडळावरही होते. राज्य वित्तीय मंडळावरही ते पाच वर्षे संचालक होते. शिवाजी पार्क येथील स्मशानभूमीत त्यांच्या पार्थिवावर अंत्यसंस्कार करण्यात आले. मरणोत्तर त्यांनी नेत्रदान केले.

Please click here to read this article on Navshakti Website

शां. म. गोठोसकर यांचे निधन

ज्येष्ठ पत्रकार व मुंबई मराठी पत्रकार संघाचे सदस्य शां. म. गोठोसकर यांचे आज सकाळी निधन झाले. मृत्युसमयी त्यांचे वय ७७ वर्षे होते. त्यांच्या पश्‍चात पत्नी व मुलगा असा परिवार आहे. 

गेल्या काही दिवसांपासून हृदयविकारामुळे त्यांच्यावर सैफी रुग्णालयात उपचार सुरू होते. गोठोसकर यांनी अनेक वृत्तपत्रांतून विविध विषयांवर लिखाण केले आहे. ]राजकीय व आर्थिक विश्लेषण या विषयांत त्यांचा हातखंडा होता. त्यांनी सारस्वत बँकेच्या संचालक मंडळावरही काही काळ काम केले होते. राजकीय, आर्थिक आणि सहकार क्षेत्रातील अभ्यासू, जाणकर पत्रकार हरपला आहे, अशा शब्दांत मुंबई मराठी पत्रकार संघाचे अध्यक्ष देवदास मटाले यांनी त्यांना श्रद्धांजली वाहिली आहे.

Please click here to read this article on Lokmat Website

Mr. S M Gothoskar is no more!

Shri Shantaram Mangesh Gothoskar passed away at 8.45 am today in Mumbai. He suffered a massive stroke on 18 Oct 2012 after which he was in coma for 25 days. He is survived by his wife Aparna, daughter Prajakta & son Bharat.

Mr. Gothoskar was a Senior Journalist, Sugar Economist and Political Analyst. He started his career with 'Lokmitra' and went on to be Asst Editor of 'Navshakti'. He was one of the key activist who ensured the Konkan Railway became a reality and was a member of the board of studies of Shivaji Unviversity. Also he was a director on MSFC (Maharashtra State Financial Corporation) and Saraswat Bank.